قصيدة بعنوان
مصاريف المدارس
بقلم/الشاعروالاديب
عرفات الاميرعبداللطيف
مصر/قنا/الوقف/المراشدة
٢٢/٨/٢٠١٦//٠١٠٦٢٢٦١١٣٥
"""""""""""""""""
خلاص المدارس علي الابواب
وهايجيلنا ضغط ويااكتئاب
ونبدأنبيع اساس البيوت
وهانجيب بتمنه طعام للحوت
الي اسمه دروس خصوصية
وكمان ايه مجاميع تقوية
وكمان لازم لبس للمدارس
والجيب ناشف مافيهوش خالص
ايه مالك بتصرخي ياوليه
ايه جرالك ماتسكتي شوية
بتقولي ايه عيد الضحية
اه يا وليه ياستين رزية
بتصرخي جنبي بتقولي ايه
دنا كنت عامل اني ناسيه
احسن طريقة نبيع الولاد
ونشتري بيهم سكرنبات
وكمان ايه جزمة برباط
طاب الجزمةوعرفناها ليه
طاب الرباط دا لازمته ايه
ولاهي مصاريف والسلام
عليكي وعلي سوق الامام
تجيبي لبس وتجيبي كمان
بطاطين للشتا ماركة ربيعة
يبقي شتا ويامدارس
وعيد ضحية فوق البيعة
وتعيشي كداعيشة هنية
يلا اتغطي ونامي ياولية
وكفاية دي عيشة خالص
!!!!!!!!!!!!!!!!!!!!!!!!!!!!!!!
ليست هناك تعليقات:
إرسال تعليق