ضرير ممقوت
ضرير مربوط وفى الهامش
يادوب عايش
بدون فكره وكم خطوط
دليل مربوط بدلايه
عديم الرؤيه والغايه
ومتعلق له بمرايه
عرايس رغبه بتلالى
وبتغالى فى سعر الموت
ضرير تايه ومش قادر
على سكه وفيها يفوت
دا متكتف بأنيابه
ومتعلق بأهدابه
على بابه
كتاب مسخوط
كلام باهت بلون
مغلوط
بيتعالى برنةصوت
علينا يفوت
وجوه الننى تعسيله
قليل البخت والحيله
ويتعايق بتسبيله
ويتسابق مع الفاضى
كماالهلفوت
هداه القوت يكون منحوت
على ساقيه ملاها الطين
ومش لاقيه
صحيح باقيه
فى بير مسقوط
مريض مسخوط
عليل مكبوت
بيتمنى يكون سفروت
وفى الغابه يكون كتكوت
عشان رافض يكون فى الرحله لو تاهت
دلايلنا يكون بوصله
يكون مظبوط.
يالون باهت
حروف تاهت ..مابين الفكره فى الهامش
وبين عايش
وبين نايم فى حضن الموت..
-----------------------------------------------------------------
ليست هناك تعليقات:
إرسال تعليق