روائع وأعمال الشاعر" محمود صلاح " عن شهر أغسطس 2016
..
(( ربانى)))
دستور ياهلله دستور
الحلوه لبسه أبيض كاستوار
بياضه لامع بانور
وشقه بفته دموار
كلها ترتر مشغوال
الشعر ضفايرعلى الراس مثقول
والكحله على الرمش مرسومه داير مايدور
والخدود تفاح فى حمرته مايزوال
جمالها صارخ ماتقولش من بنات الحور
بصت علينا وضحكت وقالت
سنوارعليكم سنوار
ردنا على ملكة جمال الكون وقولنا
من أى مكان أنتى
دا الكل بجمالك مبهور
ربانى ويخلى الواحد مسحور ومأثور
قالت أنا من بلدكم
اللى بوجودكم فيها الكل سعيد ومسرور
وبهمت سواعدكم وقوتكم هتبقى أجمل بلد فى الكون
.............................................
(((أجدع ناس)))
وسع يابنى لينا
أحنا الفلاحين
جبنا بعض وجينا
هنقول كلام كبير
لافيه سمك وطحينه
ولابلطجه منحرفين
خدلك ركن وأقعد
وأسمع المواويل
مش أى واحدأصيل
ولا كله طبعه كريم
لو مش عارف مقامنا
يبقى عقلك طخين
علشان تقدر عمالنا
محتاج طلقتين
أحنا اللى زرعنا الأرض طيبه
وحصدنا الشوك قناطير
رعاينا الأرض وشقينا
وفى الآخر مظلومين
مش لقين اللى ينصفنا
هو ماعدش أصل ودين
أعزف يابنى على نايك
أشجينى بعزف حزين
أنا مش جاى أقف على بابك
أنا قاصد رب كريم
مش عايز من حد صدقه
أنا طالب حق قديم
أحنا اللى تعبنا زمانا
وخلاص مش قدرين
أكلونا الناس الوحشه
فاكرنا طيبين
سهونا وأكلو عرقنا
وحصدوا الملايين
محاصلنا تعبى بطونهم
وسبونا محتاجين
صحتنا فين ومالنا
ياولاد النصابين
لا أرضنا هتنفعنا
ولانافع حد عوايل
المرض هد حيلنا
ومفيش حد بيسمعنا
مالين ودانهم طين
يارب فيك عشمنا
خلصنا من الملاعين
ونجينا أجمعين
............................................
(((البطل النبيل)))
البحر ياأخويا موجه عالى
وأنا حالف أعدى والريح سيقانى
للبر التانى وبلاد أحلامى
يمكن أعيش فيها بنى آدم تانى
مش خايف من اللى هيجرالى
ولاهايب من برد البحر وغدر زمانى
ولو فاتت سنينى وضاعت أيامى
وسهرت لوحدى فى غربتى ليالى
أنت ياأخويا ياضنايا دا الضنى غالى
علشان أجيب الدوا بعرقى وحلالى
ماهو الدوا بفلوس والفلوس مخصمانى
والفقرتعابنى والحوجه بتهد كيانى
وأن عطف عليك الغنى مره
مش هيعطف عليك ويديك تانى
ماهى كل الناس محتاجه
ومحدش ناوى يضحى علشان التانى
لكن أنا ناويت أضحى علشانك
ياأخويا وكفايه الزمن علينا جانى
................................................
(((لغة العصر)))
كلمات عايزه كتالوج
واسكتش ومنولوج
دى فاقت الحدود
فى الدوران والعوج
زمان فيه العجب
شباب دايب دوب
كلامه بالمقلوب
وسايق فى الهبل
ويقولك دى لغة العصر
يابرنس يامحترم
لوغرتمات لوغرتمات
لف يااخويا سبع لفات
عبى وهات تقلايعات
وكل شويه أخترعات
زمن حوارات وافتكاسات
تقول لشبابنا السقا مات
أحلق ياله حلقه ذوات
تشوفه مارد طالع بحالات
أو مهرج يثير ضحكات
ولحالته تنزل دمعات
شد وجذب قطع فنللات
جحر فيران فى البنطلونات
شوه لبسك تبقى تمام
وشوف حظك فى الفنجان
ومع الأبراج فارس الفرسان
انزل رقص فى مهرجانات
عالى الصوت لعندى فلات
دا أحنا فى آخر الركب ثبات
لابنتقدم وبنتأخر
وكل الدنيا تعدى
تقول عوافى عليهم وسلامات
................................................
(((تم حظركم)))
الفيس أعلمنى وأخبرنى
أنه قد تم حرمانى
من بعض مميزاته وعزلى
كل شويه يتم حظرى
ناس مش عجيبها لفظى
ومجننهم نظم حرفى
دا بدل مايشدوا أذرى
بيبلغوا عنى حصرى
فين مختفى ليه عن نظرى
جوه الضلمه بتقرقش عظمى
ماليش عندك حاجه
ولامستنى أنت شئ من فضلى
أعداء النجاح وصلولى
بعد ما أتردد على الهوا أسمى
نفسهم بالحيا يدفنونى
أويمسكوا عليا حاجه ويذلونى
يعملوا أى حاجه علشان يأذونى
وأختفى من قدمهم وما يشوفونى
ربى قادر ينصرنى عليكم وأبقوا تعالوا يوم قبلونى
..............................................
((قالوا))
على أد لحافك مد رجليك
وقول يارب لك الحمد ربك يعطيك
وأرضى بنصيبك ربنا يعالى مرتبك
وعش على قدك وماتبصش لفوق
لتوقع على جدور رقبتك
وماحدش يسمى عليك
وماتذمش فى حد
لناس تقول فيك وعليك
وخلليك متواضع
الكل يتقرب لك ويتشرف بك
ولو مارباك أبوك وأمك
كفيل الزمن والأيام يربوك
..............................................
(((أدمان الحب)))
شربت من كأس الحب
حتى بلغت درجة الثماله
وأدمنت العيش بقربك
ففى وصالك لم أشعربالندامه
لا أجد فى الحب أهانه
ولاعيباأن يكون بين المحبين كرامه
............................................
أغنيه(((متكبره)))
اللى خلقها خلق غيرها
فاكره فى جمالها مفيش غيرها
عمرك ماجيت فى تفكيرها
ولا كنت فارس أحلامها
سايقه العوج فى تبريرها
رفضاك من قبل ماتحكلها
متكبره ولها مصيرها
على نفسها الله يعينها
ميسرها واحد يشغلها
يذواء كلامه ويعبلها
ويلعب عليها يشنكلها
ياخد اللى عايزه ويسيبها
يدوس عليها يعذبها
يغدر ويجيب الأرض مناخيرها
وساعتها هتقل قيمتها
وتعرف وتفهم مين أنت
أنت اللى شارى كنت عايزها
بتخاف عليها وهتصونها
ندمانه هى من عمايلها
حسه بغلطها وخيبتها
أحسن منهم وفارسها
لك نصيب تعشق غيرها
تبعد عن طريقها وتغنلها
هو الشطان خرب بيتها
الكل عرف حكايتها
مش رايد حبيبه من عقليتها
خاف يمشى فى سكتها
وكل الحكايه أنا حكاتها
...........................................
ليست هناك تعليقات:
إرسال تعليق