مرة سرحت
بقلم اميرة مجدي
مرة سرحت بعيني شوية
شوفت قصادي احلي حورية
فاردة أيديها وعاوزة تطير
رايحة تدور ع الحنية
نفسها تلقي قلب حنون
قلب يساوي كل الكون
وقلبها يصبح ييه مفتون
وتصبح دقاته قوية
نفسها ايدها تحضن ايده
نفسها تبقي جوه وريده
كل ما يطلب حب تزيده
ولا يبعدش بعيد ولا ثانية
في قربه تتحقق أحلامها
يفضل دايما قدام عينها
حتى لو نامت في منامها
تشوفه والأحلام وردية
يبقي حبيبها وكل ما ليها
يبقي سندها يبقي حاميها
تفضل ايده ماسكة أيديها
ويعيشها عيشة هنية
اه لو اصحي من دا خيال
ألقاه بقي واقع وجمال
والقي قصادي احلي غزال
كنت حضنته يا ناس بأيديا
ليست هناك تعليقات:
إرسال تعليق