وتعبت مِلْ كلام
واللي ما يفهم ما بِيرَيّحْ
واللي فاهم مليون سلام
انا يا نن عين القلب من جُوَّه
أعشق معنى الحب
واسقيكيِ من كاساتُه بالقوّه
ولو هُوَّه
بألف عمر فوق عمري
ولو هُوَّه
بنور العين فداه نضري
انا أصلي فنجري وفقري
مبيهمنيش ولو ميينْ هُوَّه
وماتقوليش .. بياع كلام
انا بس كنت عايز اعرّفك تمني
انا كنت قبلك مسواش .... غير نفسي
ونفسي عند الحُر ..
ما تتباع... بألف كام
بس اما جيتي ف عالم هوايا و ف زمني ...
وملكتي روحي من نفسي
لقيت النبض جوايا بقالو روح
ولقيت اللهفة في هوايا... كما المجروح
ولقيت قلبي مفارق ضلوعي ومسافر اليكي
ولقيت روحي في السما
نجمة تقطفيها بلمسة ايديكي
ولقيت جوارحي فوارس...
راح تقلع نبضها عشان ترضيكِي
ولو يرضيكِي..
بس كنت بترجى معاليكِي
سيبي عرش القلب بدقاته ..يضلل عليكِي
ليست هناك تعليقات:
إرسال تعليق