أنا نفسى أكون لك ضى \ (محمود ابوالوفا)

أنا نفسى أكون لك ضى
فى ليل الضى غاب عنه
واتحدى بيكى الجى
وحضنك ما اتنازل عنه
وقلبك لو للحظه يأن
يسيل دمى ولا اسمعش الانين منه
واكون لك لو تعوزينى
سلاحك...............وردتك................طينك
ولو مهما هتنسينى
حبيبتى انتِ.....................وروحى أنتِ
أبوس رجلك............واقولك يا اما سمحينى
داأنا من خيرك اتغذيت
ومن شمسك عفى عودى
وعلى حبك أنا اتربيت
يا ام ولادى وجدودى
يشيبوا الأمهات وانتِ
عروسه وعمر ماشيبتى
حبيبتى وأمى لا وبنتى
وأم الدنيا هتعودى
يامصـــــــــــــــــر
(محمود ابوالوفا)