م الرويعى للغوريه
م الرويعى للغوريه
كنت بمشى
وعينى زايغه
دى جزمه
دى كوفيه
دى طاقيه
كنت بتفرج وافتخر
بالمنتجات المصريه
دى بندقيه
دى عروسه
شبطانه فيهم
صبى و صبيه
دا فستان وطرحه
مستنى عروسه
تلبسها ف ليلة فرحه
كل اللى نفسك فيه
كنت بتلاقيه
تمشى ف حارة اليهود
تلاقى الدنيا
مليانه ورود
وأدوات كتابيه
تخش حوش عيسى
تلاقى الأفنديه اللبيسه
تروح التربيعه
تشوف ناس حلوه بديعه
وف الغوريه
تشم ريحه زكيه
وتلاقى العطور الهنديه
وتشم ريحة المسك والعود
وف الصاغه
تزوغ عين كل صبيه
طول ماأنت ماشى
تشوف ..وتشوف
تشوف بسمة الصغار
اللى بتفرح الكبار
بسأل سؤال :
ايه اللى جرى
ف الحى القديم؟
كل يوم حريق
ياكل بضاعه بالملايين
ماتقولش ماس
دى ايد غدر غبيه
عايزه تهد ..وتدمر
وتحرق بضاعتنا الشعبيه
وأهو إتنقل للقضا والمحافظه
وباقى الجمهوريه
داإبليس بيخطط
يهد البلد ويحرق
قلوب الناس
ويهيج البياعين
اللى اتخربت بيوتهم
بإيد الملاعين
أعداءالأمن والإنسانيه
بقلم:محمدحجاج
ليست هناك تعليقات:
إرسال تعليق