علي قد الحال
هاحكلكم حكايه شوفتها يعنيه
عن ولد فقير حبته بنت غنيه
قالها انا علي قد الحال
قالتلو انا عايزه اعيش بالحلال
سمع كالمها وراح لأبوها
ولسه ماكملش السلام
قالو يلي اخرج قوام
ازاي جاي تطلب بنت سيدك
وأنتا شغال عندو خدام
قالت يابابا انا عايزاه
قلها يابنتي ده مش معاه
قالت يابابا من غيره مش هاعيش
قالها يا بنتي ده مايستاهلكيش
انا بكره اجوزك واحد زينا
تاخد منو ميخدش مننا
خرج الولد والدموع في عنيه
قال ذنبي انا وهي ايه
اناهاكمل دراستي
وعمل اللي اقدر عليه
نجح وبقي دكتور وربنا وقف جمبيه
وابوهاجوزها لواحد غني وضحك عليه
عملو توكيل وحول كل حاجه ليه
ابوها من الصدمه وقع والدموع في عنيه
بنتو قالت شوفت يابابا فرق الغني من الفقير ايه
جابت دكتور وكشف عليه
قال ماعنديش علاج ليه
هاوصفلكم دكتور وتروحو عليه
راحت العياده وحجزتلو
وتاني يوم خدت ابوها وراحتلو
بصت بعينها شفتو لقيتو هو اللي حبتو
قالتلو بابا تعب من بعد ما راحت ثروتو
بص لأبوها وقال سبحان مغير الأحوال
زمان انا جتلك وانتا عندك المال
دلوقتي جتلي وانتا علي قد الحال
سبحان مغير الأحوال
كلمات الشاعر محمد خميس
ليست هناك تعليقات:
إرسال تعليق