{لما انتي خاينه}
كنتي ليه بتقربيني
من حياتك
كنتي ليه بتحسسيني
بالأمان
كنتي ليه فرشالي أرضك
بالورود
لما انتي ناويه ع الخيانه
من زمان
¥¥¥¥¥¥¥¥¥¥¥¥¥¥¥
دا انا كنت واهب كل
حياتي ليكي
كنت اموت
لو شفت دمعه من عنيكي
دلوقتي بلعن كل لحظه
عشتها كات حب فيكي
¤ ¤ ¤ ¤ ¤ ¤ ¤
ياخساره الشعر
اللي كان مكتوب عشانك
والفرحه مني
لما كان يعلي
بصوت الشوق أدانك
أدعي بس عليكي أنتي
أقولك أيه
وانتي فعلا حد أسي
ميستاهلش اللوم عليه
£ £ £ £ £ £ £ £ £ £
فاكره لما بكيتي يوم
أدام عنيا
لما قلتي ان انت روحي
وانت كل الدنيا ديا
والحياه بعدك محاله
وانت شرياني اللي بيا
يومها صدقت ان في حاجه
ف حياتي
فرحه دخلت جوه قلبي
وحسستني بحب آتي
وانك انتي هتبقي رحله
وهبدأ المشوار معاكي
* * * * * * *
أصلي طيب
وف زمانا
اللي بيخلص
أي حد عليه يعيب
وادي تمن العشق
قان احزان وجرح
وادي اللي كات
ماليا حياتي
سرور وفرح
دلوقتي بدعي ربنا
منك يا خاينه
يخدلي تاري
وانك تدوقي الجرح بردوا
وتتكوي زيي بناري
صفحتك همحيها
من كل القاموس
لو ف قلبي حب ليكي
بكل عزمي عليه هدوس
وابدأ المشوار لغيرك
بس مش هدي الأمان
اصل عمر ف يوم ما هنسي
مين برغم الحب خان0
¤ ¤ ¤ ¤ ¤ ¤ ¤
بقلمي
شعبان أبراهيم0
ليست هناك تعليقات:
إرسال تعليق